2020 جىلعى 28 ناۋرىزدا "بولاشاق" حالىقارالىق ستيپەندياسى بويىنشا شىعىستار نورمالارىن, وقۋعا جانە تاعىلىمدامادان وتۋگە ۇلگىلىك شارتتاردى بەكىتۋ تۋرالى" قازاقستان رەسپۋبليكاسى ءبىلىم جانە عىلىم ءمينيسترىنىڭ 2012 جىلعى 13 ساۋىردەگى № 163 بۇيرىعىنا وزگەرىستەر ەنگىزىلدى. بۇل جونىندە حالىقارالىق باعدارلامالار ورتالىعىنا سىلتەمە جاساپ Egemen.kz حابارلايدى.
وسىلايشا مەملەكەت سOVID-19 پاندەمياسى كەزىندە باعدارلاما ستيپەندياتتارىنا جان-جاقتى قولداۋ كورسەتتى.
اتاپ ايتقاندا, وقۋدى اياقتاي وتىرىپ, شەكارانىڭ جابىلۋى جانە اۋە قاتىناسىنىڭ توقتاتىلۋنا بايلانىستى وقۋ ەلدەرىندە امالسىزدان قالعان 84 ستيپەندياتقا 66,4 ملن تەڭگە كولەمىندە شاكىرتاقى تولەندى. ولاردىڭ 45 ادامى قازىرگى تاڭدا قازاقستانعا ورالدى, ال قالعان 39 ادام جاقىن ارادا قايتۋدى جوسپارلاۋدا.
سونىمەن قاتار, سOVID-19 پاندەمياسى كەزىندە قازاقستانعا كەلگەن 147 ستيپەنديات ەلىمىزدە قاشىقتان ءبىلىم الۋدا. ولارعا 192,8 ملن.تەڭگە مولشەرىندە شاكىرتاقى تولەنىپ, 20,5 ملن تەڭگە مولشەرىندە وقۋ ەلىنەن قازاقستانعا دەيىنگى اۋە بيلەتتەرى الىندى.
قازىرگى تاڭدا "بولاشاق" باعدارلاماسىنىڭ 592 ستيپەندياتى شەتەلدە ءبىلىم الۋدا.